Your 1 Stop Online Story Hub

Wednesday, 27 December 2017


True Life Story

Enjoying my sleep in the evening around 8pm on Saturday, na 10pm i dey take sleep before but since no food to chop i gat to sleep and put the groaning worm in my stomach at rest, i haven't slept 30 minutes wen my phone rang, i check the caller na blessing.
Me: baby whatsup
blessing: i don tell you make you nor dey call me baby again, where you dey?
me: i dey my house na where you expect make i dey before?
blessing: your girlfriend house na.
Me: i don tell you na only you be the girl wey i get.
Blessing: na who be your girl, let my guy catch you, your own don finish be that, abeg i don buy that laptop come help me check am weda na better one and to configure am for me abeg.
Me: abeg make am tomorrow i dey tire and i wan sleep.
Blessing: abeg na i nor fit watch film for inside self and i need to keep myself busy.
Me: call your boyfriend na
blessing: i don tell you my guy no dey leave here.
Me: na who come dey sample u na?
Blessing: sample what?
Me: sorry nothing.
Blessing: e better be nothing rotten mind, by the way i cook rice.
Me: am on my way.
Blessing na my course mate for one polytechnic wey dey MCC aba, i don try chike the babe many times, but the babe dey form strong head for me, but since she want something from me then i must get something in return apart from the rice, we must balance the equation, after all one great man say, “For every action, there is an equal and opposite reaction”. There must be an opposite reaction today oh.
ingredient nor dey dey her food but the food dey sweet well, she is dark in complexion not too tall, her behind not too big and not too small, her breast is average also, as for me am fair, hairy and tall.
I put on my clothes and took my phone and my earpiece why i head to her place, her house far small sha but i gat no choice, i must consume that rice oh, i check the time 8:45pm, everywhere is dark nobody dey road, e be say people quick enter house today oh, maybe na the wether cause sha,
i was walking slowly enjoying the music booming from my earphone like tecno Boom J7 when someone flash light from behind, i removed the earpiece i heard a lady voice from my back calling my name “ozilla” i turn back i saw nobody, na who come call my name na, e be like say the hungry don dey make me hear different things, i pocket my phone and continue moving i fasten my footstep, half way to her place i heard the voice again, a slick tender voice from my back, “why are you moving fast” i look back again i saw nobody, oboy na which kind thing be this na, i run oh because this time i heard it clearly, i ran as fast as i can till i get to blessing house. i didn't hear her till i reach her house, she live in a fence house but no gate, her room was build separately beside the main building just like a store, one room.
I knock on her door, she didnt answer, i knock again and i heard ” who is that”
Me: idiot na me open the door.
She open the door and i enter and i quickly closed the door.
Blessing: wetin happen why u dey sweat like he goat.
Me: u nor go understand.
………All Rights Reserved:This work exclusively belongs to the Author ozil, 08066418379 and is protected under copyright laws. The title, thoughts, plot, characters,settings, quotes and all its contents are properties of the author. No part of this work, either in parts or in whole should be reproduced in any format,electronic or otherwise without permission from the author………


No comments:

Post a Comment